შპს Konusi 08 – ნაყინის წარმოების გაფართოება EU4Business-EBRD-ის საკრედიტო ხაზის დახმარებით

Konusi 08 არის ქართული კომპანია, რომელიც განსაკუთრებულ ყურადღებას უთმობს მაღალხარისხიანი და ადგილობრივად დამზადებული გაყინული ტკბილეულის, ნაყინის წარმოებას.მომატებული მოთხოვნის დასაკმაყოფილებლად და საერთაშორისო წარმოების სტანდარტებთან შესაბამისობის უზრუნველსაყოფად, Konusi 08-მ დაადგინა მიზანი წარმოების ხაზის მოდერნიზაცია და ოპერაციული ეფექტიანობის გაუმჯობესება.

მიუხედავად მზარდი მოთხოვნისა, კომპანიის ძველი და მოძველებული წარმოების ტექნიკა და შეზღუდული წარმოების შესაძლებლობები აფერხებდა მას გაფართოების და ბაზარზე კონკურენტუნარიანობის ზრდის შესაძლებლობას. ენერგოეფექტურობის გაუმჯობესება და ევროკავშირის სტანდარტებთან შესაბამისობა ასევე მნიშვნელოვანი სტრატეგიული მიზნები იყო, რომელთა მიღწევაც დიდ ფინანსურ ინვესტიციებს საჭიროებდა. ეს რესურსები კი ჩვეულებრივი ფინანსური წყაროებით არ იყო ხელმისაწვდომი.

ამ გამოწვევების გადასაჭრელად, Konusi 08 მიმართა EU4Business-EBRD-ის საკრედიტო ხაზს — ევროკავშირის და ევროპის რეკონსტრუქციისა და განვითარების ბანკის ერთობლივ ინიციატივას, რომელიც სპეციალურად შეიქმნა ქართულ მცირე და საშუალო ბიზნესის მხარდასაჭერად. პროგრამა სთავაზობს მოქნილ ფინანსურ ინსტრუმენტებს ტექნიკისა და ინფრასტრუქტურის განახლებისთვის, უფასო ტექნიკურ დახმარებას პროექტის ყველა ეტაპზე და ინვესტიციურ წახალისებას, რომელიც შესაძლებელია 15%-მდე იყოს სესხის მოცულობისა.

Konusi 08–მა მონაწილეობა მიიღო პროგრამაში ორჯერ, რის შედეგადაც შეძლო ევროკავშირის სტანდარტების შესაბამისი, თანამედროვე ნაყინის წარმოების აპარატურის შეძენა.

EU4Business-EBRD-ის მხარდაჭერით, კომპანიამ შეძლო:

• სესხის მიღება ხელსაყრელი პირობებით,
• საჭირო ტექნიკის შეძენა,
• აპარატურის წარმატებით მონტაჟი და ინტეგრაცია წარმოების პროცესში,
• წარმოების ეფექტიანობის და პროდუქტის ხარისხის მნიშვნელოვნად გაუმჯობესება.